චොප්ස්ටික් භාවිත‍යෙන් ආහාර ගැනීම

චොප්ස්ටික් භාවිත‍යෙන් ආහාර ගැනීම චීනයෙන් ජපානයට ආ සංස්කෘතියකි. ‍

චොප්ස්ටික් ‍‍හෙවත් “හෂි” ජපන් ජාතිකයන් ආහාර ගැනී‍මේදී භාවිතා කරන ලී ‍කෝටු දෙකක් වැනි උපකරණයකි.

චොප්ස්ටික් භාවිත‍යෙන් ආහාර ගැනී‍මේදී යම් යම් චාරිත්‍ර වලට යටත් වීමට සිදුවේ.

එහිදී ආහාර බදුන මත ඒවා සිරස් ආකාරය‍‍ට තැබීම, ‍වෙනත් පුද්ගල‍යෙකු ‍දෙසට එල්ල කිරීම සිදු නොකරයි.

චොප්ස්ටික් භාවිත‍යෙන් ආහාර ගැනීම එක්තරා අභි‍යෝගයක් වේ. ඔබ එය පාවිච්චි කර නොමැති නම් කිහිප වරක් පුහුණු වී‍මෙන් පසු එය පාවිච්චිය පහසු වනු ඇත.

“බෙන්තෝ” සම්ප්‍රදා‍ය.

මෙය ජපන් ජාතිකයන් අතර

ප්‍රසිද්ධ එක් ආහාර ගැනී‍මේ 

ක්‍රමයකි. ‍‍ බෙන්තෝ 

කෑම ‍පෙට්‍ටි‍‍‍යේ සාමාන්‍ය‍‍යෙන්

  අඩංගු වන්නේ නිව‍‍සේ 

සාදන ලද බත් හා ඒ 

සමඟම ආහාරයට 

ගත හැකි තවත් අමතර

ආහාර වර්ගයි. බෙන්තෝ 

ආහාර ගැනී‍මේ ක්‍රමය

 ජපානයේ ඉතා සුලභව

දැකිය හැක. කුඩා

ළමයි ළදරු

පාසල් යන අවදි‍යේ 

සිටම සිය මව ඉතා ඕනෑකමින් 

 මෙම බෙන්තෝ

පිළි‍යෙල කර දෙයි. 

එහිදී බෙන්තෝහි අඩංගු

වන ද්‍රව්‍ය හා

ඒවා අලංකාර ‍‍ලෙස 

ඇසිරීම පිළිබදව 

අවධානය ‍‍යොමු 

කරයි. මවගේ ඉහුම් 

පිහුම් පිළිබඳ වන

දක්ෂතාවය විදහා 

පාන එක් අවස්ථාවක් 

‍ලෙස ‍‍මෙය 

දැක්විය හැක. එක්

එක් ඍතුව අනුව

 බෙන්තෝ ආහාරය 

‍‍‍‍‍‍වෙනස් කරමින් 

පිළිගැන්විය හැක.

ජපානයේ ආහාර පිළිගැන්වීමේ කලාව

සුකියකි.

යුරෝපීය සංස්කෘතිය   විශාල ලෙස ඇතුල්වුනු“මෙයිජි”යුග‍යේ සිට 

ආරම්භ වූ කෑමක් වන අතර ගවමස් ආහරයට ගැනීමේ පුරුද්දක් නොවූ ජපන් ජාතිකයන් ගවමස් ආහාරයට ගන්නා බටහිර සංස්කෘතිය වැළඳ ගෙන එය ජපන් පන්නයේ රසයට වෙනස් කර සාදා ගත් ආහාරයක් වේ.  

සුකියකි යනු එය පිසින අතරම ආහාරයට ගත හැකි කෑමක් වන හෙයන් මෙය මුළුතැන්ගෙයි පිසිය යුතු යැයි නියමයක් නොවේ.

සුකියකි, විශාල භාජනයක් මේසය මත තබා සියළු දෙනාම අමුද්‍රව්‍ය එක් කරමින් පිසින නිසා ඉතා උණුසුම් ලෙස ආහාරයට ගත හැක. තවද මෙය සාදයක් වැනි අවස්ථාවකදී ඉතා විනෝදය ගෙන දෙන ආහාර ගැනීමේ ක්‍රමයකි. සුකියකි ජපානයේ ඉතා ප්‍රසිද්ධ ආහාරයකි. මෙහි ප්‍රධාන අමුද්‍රව්‍ය වනුයේ සිහින්ව කපාගත් හරක් මස් පෙති වේ. මේ සදහා යොදා ගන්නා හරක් මස් වල ප්‍රමිතිය ඉතා වැදගත් වේ.

සුකියකි සාදා ගැනීමට භාවිතා කරනුයේ හරක් මස් වල ඉතා මෘදු කොටස් වේ. මෙහිදී සුකියකි සෑදීමට ඉතා උචිත හරක් මස් වර්ගය “ෂිමොෆුරි” නම් වේ. “ෂිමොෆුරි” නම් හරක් මස් විශේෂය ඉතා මෘදු නමුත් අධික ලෙස මේදය අඩංගු වේ. එමෙන්ම ඒවා ඉතා මිල අධික වේ.

තෙමිපුරා.

තෙමිපුරා යනු ජපන් ජාතිකයන් විසින් බහුලව ආහාරයට ගන්නා ආහාරයකි. තෙමිපුරා, එළවළු හා මාළු යනාදිය තිරිගු පිටි, බිත්තර හා වතුර මිශ්‍ර කර සාදා ගත් මිශ්‍රණයක පොඟවා තෙල් වල බැදීමෙන් සාදා ගන්නා ආහාර විශේෂයකි. මෙය සෝස්, සීනි, මත්පැන් යනාදියෙන් සාදන ලද සුප් විශේෂයක් සමඟ ආහාරයට ගනී. තෙමිපුරා සෑදීමේ ක්‍රමයට අතීතයේ පෘතුගීසීන් ජපානයට පැමිණි විට ව්‍යාප්ත වූ කෑම වල ආභාෂය ලැබී ඇත. තෙමිපුරා යන නමද පෘතුගීසි භාෂාවෙන් පැමිණි එකක් යයි සැලකේ.

සෂිමි.

 

ජපානය මුහුදෙන් වට වූ දූපතක් වීම හේතුවෙන් බත් සමඟ මුහුදු ආහාර ඉතා සුලබව ආහාරයට ගනී. සෂිමි සාදා ගනු ලබන්නේද සිහින්ව කපාගත් අමු මුහුදු මාළු යොදා ගනිමිනි. සෂිමි සාදා ගැනීමෙදී විවිධ අමු මාළු වර්ග භාවිතා වේ. මෙහිදී මෙම අමුද්‍රව්‍ය අමුවෙන්ම භාවිතා කරන නිසා ඒවායේ නැවුම් බව ඉතා වැදගත් කොට සැලකේ. සෂිමි “වසබි” නම් සෝස් වර්ගය හා වෙනත් සෝස් වර්ග සමඟ ආහාරයට ගනී.

සෂිමි, සුෂි වලට සමානකමක් දක්වන අතර සුෂි වලින් වෙනස් වන්නේ සුෂි වල මෙන් සෂිමි වලදී බත් යොදා නොගන්නා බැවිනි. සෂිමි සාමාන්‍යයෙන් “දයිකොන්” හා “ෂිසො” නමි ගස් වල කොල මත අලංකාර ලෙස අතුරා සකස් කරයි. මෙහිදී “දයිකොන්” හා “ෂිසො” ද සෝයා සෝස් තවරා ආහාරයට ගත හැක. ඒවා නැවුම් මින්ට් රසක් ගෙනදේ.

සෂිමි වර්ගද විවිධ වන අතර ජපන් ජාතිකයන් අතර ඉතා ප්‍රසිද්ධ සෂිමි වර්ග කිහිපයක් නම් “මගුරො, තොරො, එබි, සබ, ඉක, තකු” වේ.